ადვოკატი - არც ერთი მტკიცებულება არ არსებობს, რომ კობაურს რაიმე ფორმით, პირდაპირი შემხებლობა ჰქონდეს ამ შემზარავ დანაშაულთან

არც ერთი მტკიცებულება არ არსებობს, რომ კობაურს რაიმე ფორმით პირდაპირი შემხებლობა ჰქონდეს სმიტების საქმესთან, - ამის შესახებ, სმიტების საქმეზე დაკავებული მალხაზ კობაურის ადვოკატმა ალქესანდრე კობაიძემ განაცხადა.

მისი თქმით, აღნიშნულ საქმეზე ნაფიც მსაჯულებს გამამართლებელი ვერდიქტის გამოტანა არ გაუჭირდებათ.

„დღეს იწყება არსებითი განხილვა საქმის. ბრალდების მხარეს მოუწევს, რომ დაადასტუროს ის ფაქტი, რაც რეალურად არ ყოფილა. ვფიქრობ, რომ ნაფიც მსაჯულებს ძალიან არ გაუჭირდებათ აღნიშნულზე გამამართლებელი განაჩენის გამოტანა იმიტომ, რომ არც ერთი მტკიცებულება არ არსებობს, რომ კობაურს რაიმე ფორმით, პირდაპირი შემხებლობა ჰქონდეს ამ შემზარავ დანაშაულთან“, -განაცხადა კობაიძემ.

აღნიშნულ საქმეზე განცხადება გააკეთა საქართველოში აშშ-ის საელჩოს წარმომადგენელმაც, რომელიც სმიტების ოჯახს წარმოადგენს.

„მე აქ წარმოვადგენ სმიტების ოჯახს, რომლებიც დღეს აქ ვერ იმყოფებიან. ყველას სურს თავისუფალი და სამართლიანი პროცესი და სასამართლოს სამართლიანი გადაწყვეტილება“, - განაცხადა ჟენეტ რებერმა.

შეგახსენებთ, რომ გორის რაიონულ სასამართლოში ხადას ხეობაში სმიტების ოჯახის სამი წევრის მკვლელობაში ბრალდებული მალხაზ კობაურის საქმის განხილვა დღეიდან იწყება. მცხეთის რაიონულმა სასამართლომ აღნიშნული საქმე განსახილველად ნაფიც მსაჯულებს გადასცა. განხილვის ადგილად კი გორის რაიონული სასამართლო შეირჩა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში