პროკურორი - საზოგადოებას ვარწმუნებ, მალხაზ კობაური მიიღებს ადეკვატურ სასჯელს

საზოგადოებას ვარწმუნებ, რომ მალხაზ კობაური პატიმრობიდან არ გათავისუფლდება და ის მიიღებს ადეკვატურ სასჯელს, - ამის შესახებ ხადას ხეობაში მოკლული სმიტების ოჯახის სამი წევრის მკვლელობაში ბრალდებულის, მალხაზ კობაურის საქმის პროკურორმა, ზაზა დათუკიშვილმა პროცესის დაწყებამდე განაცხადა.

„სმიტების მკვლელობის საქმეზე ბრალდებული მალხაზ კობაურის პატიმრობის ვადა 9 აპრილს იწურება. ამ დრომდე სასამართლო განხილვა აუცილებლად დასრულდება და ჩემი ღრმა რწმენით, იმ უტყუარი და არაერთი მტკიცებულების შეფასებით, რაც გვაქვს საქმეში, ბრალდებულ კობაურის მიმართ დადგება გამამტყუნებელი ვერდიქტი. მე, როგორც ამ საქმის პროკურორი, საზოგადოებას ვარწმუნებ, რომ კობაური პატიმრობიდან არ გათავისუფლდება და ის მიიღებს ადეკვატურ სასჯელს“, - განაცხადა საქმის პროკურორმა, ზაზა დათუკიშვილმა.

შეგახსენებთ, რომ გორის რაიონულ სასამართლოში ხადას ხეობაში სმიტების ოჯახის სამი წევრის მკვლელობაში ბრალდებული მალხაზ კობაურის საქმის განხილვა ნაფიცი მსაჯულების მონაწილეობით დღეს დაიწყო.

მალხაზ კობაურს ბრალად ედება სისხლის სამართლის კოდექსის 109-ე მუხლის პირველი ნაწილის „გ“, მე-2 ნაწილის „ბ“, მე-3 ნაწილის „ა“ და „ბ“ ქვეპუნქტებით გათვალისწინებული დანაშაული, რაც 16-დან 20-წლამდე ან უვადო პატიმრობას ითვალისწინებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა