„თუ ამ საკითხზე არ ვიფიქრეთ, არც გვექნება გამოსავალი“, - ამის შესახებ საქართველოს პრეზიდენტმა ოკუპირებული ტერიტორიების დაბრუნების საკითხთან დაკავშირებით დეპუტატ ადა მარშანიას გამოსვლას უპასუხა.
„შეიძლება ყველაფერში არ გეთანხმებოდეთ ქალბატონო ადა, მაგრამ მთავარში გეთანხმებით. არ შეიძლება რომ ჩვენ ამ საკითხს, ჩვენი ოკუპირებული ტერიტორიების საკითხს მთავარი ადგილი არ მივაკუთვნოთ. ჩვენ როდესაც ვლაპარაკობთ და მე პირადად როცა ვლაპარაკობა არ შეგუებაზე, ეს არაფერს არ ნიშნავს, თუ არ დავიწყეთ ფიქრი გამოსავალზე, რადგან ეს გრძელდება და გრძელდება. მე მზად ვარ ამისთვის. გამოსავალი არავის არ აქვს მზად, არავინ არ იცის რა არის გამოსავალი, მაგრამ თუ არ ვიფიქრეთ მაშინ არც გვექნება და ამისთვის მზადყოფნა მინდოდა გამომეხატა“, - განაცხადა ზურაბიშვილმა.