„მინისტრის საათის“ ფორმატში, პარლამენტში ხვალ ლევან დავითაშვილს მოუსმენენ

პარლამენტის პლენარულ სხდომაზე ხვალ გარემოს დაცვისა და სოფლის მეურნეობის მინისტრს ლევან დავითაშვილს მოუსმენენ.

დავითაშვილის მოსმენა “მინისტრის საათის“ ფარგლებში იგეგმება. მინისტრი გაწეული მუშაობის ანგარიშს წარადგენს და სამოქმედო გეგმებზე ისაუბრებს, რის შემდეგაც დეპუტატების კითხვებს უპასუხებს.

„მინისტრის საათის“ ფორმატში პარლამენტში ანგარიშით უკვე გამოვიდა რეგიონული განვითარებისა და ინფრასტრუქტურის მინისტრი მაია ცქიტიშვილი.