ნინო გოგუაძე - როგორც ჩანს,  პროკურატურა  იმართება „ქართული ოცნების“ პიარსამსახურის მიერ

როგორც ჩანს, პროკურატურა არის „ქართული ოცნების“ დანამატი და იმართება „ქართული ოცნების“ პიარსამსახურის მიერ“, - ამის შესახებ „პალიტრანიუსის’ გადაცემაში ‘360 გრადუსი“ პარტია „თავისუფალი დემოკრატების“ ერთ-ერთმა ლიდერმა, ნინო გოგუაძემ განაცხადა.

ნინო გოგუაძის განცხადებით, ქართული საზოგადოება მძიმე მდგომარეობაშია, რადგან დღეს ძნელი გასარკვევია, ვინ არის მართალი და ვინ ტყუის.

„ძალიან რთულ ვითარებაში არიან ჩვენი მოქლაქეები, რადგან მტყუან მართლის გარკვევა ძალიან ძნელია. ჩვენი მოსახლეობის უმეტესი ნაწილი ყოველდღიური არსებობისთვის იბრძვის, სასიცოცხლო პროლემების წინაშე დგას. ამ დროს მიდის ასეთი უმძიმესი დავა, გამოქვეყნდა წერილი, ზოგი ამბობს, რომ არის მართალი, ხოლო „ოცნება“ ამბობს - ასეთი წერილის არსებობა როგორ უნდა დავიჯეროთო და პროკურატურამაც გამოძიება შეწყვიტა. როგორც ჩანს, პროკურატურა არის „ქართული ოცნების“ დანამატი და იმართება „ქართული ოცნების“ პიარსამსახურის მიერ. ეს განცხადებაც იყო პიარსამსახურის დაწერილი“, - განაცხადა ნინო გოგუაძემ.