გიორგი შარვაშიძე -  ძირითადი მიმართულება ხარისხის გაუმჯობესებაა, ეს ხელს შეუწყობს საქართველოს ინტეგრაციას ერთიან საგანმანათლებლო  ევროპულ სივრცეში

ეს არის უპრეცედენტო ზრდა – 6 % მშპ, მსგავსი მაჩვენებელი მსოფლიოში მხოლოდ რამდენიმე ქვეყანას აქვს, – ამის შესახებ თსუ-ს რექტორმა გიორგი შარვაშიძემ საქართველოს მთავრობის ახალ ინიციატივის – „განათლება - გზა თავისუფლებისკენ", კომენტირებისას განაცხადა.

„ძირითადი მიმართულება იქნება ხარისხის გაუმჯობესება. რა თქმა უნდა, ეს არის ის მიმართულება, რომელიც არის ევროპული მიმართულება და ხელს შეუწყობს საქართველოს ინტეგრაციას ერთიან საგანმანათლებლო ევროპულ სივრცეში და კვლევით სივრცეში. ეს არის მართლაც დიდი განაცხადი, როგორც პოლიტიკური, ისე ეკონომიკური. ყველა თვალსაზრისით არის ძალიან სერიოზული განაცხადი და ვუსურვებ ჩემს თავსაც, ჩვენს სტუდენტობასაც, პროფესურასაც, მოსწავლეებსაც, მასწავლებლებსაც, რომ ეს გეგმები განხორციელდეს“, – განაცხადა შარვაშიძემ, რომლის კომენტარს „ქართული ოცნების“ პრესსამსახური ავრცელებს.

საქართველოს პრემიერ-მინისტრმა მამუკა ბახტაძემ ეროვნულ ბიბლიოთეკაში ახალი ინიციატივა „განათლება - გზა თავისუფლებისკენ“ წარადგინა.

„განათლების სფეროში მიმართული დაფინანსება ყოველწლიურად გაიზრდება და მაქსიმუმს მიაღწევს 2022 წლისთვის, როცა ჩვენ გავალთ მთლიანი შიდა პროდუქტის 6%-იან ნიშნულზე“, – განაცხადა წარდგენისას ბახტაძემ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა