პროკურორი - გიორგი ქადაგიძის თავმჯდომარეობის პერიოდში ზედამხედველობის სააგენტოს მიერ „თიბისი ბანკის“ შემოწმების პროცესთან დაკავშირებით კითხვები გვაქვს

გიორგი ქადაგიძის თავმჯდომარეობის პერიოდში ზედამხედველობის სამსახურს შემოწმებული აქვს „თიბისი ბანკი“. ამაზე გვექნება მასთან კითხვები, - ამის შესახებ „თიბისი ბანკის“ საქმის პროკურორმა არჩილ ტყეშელაშვილმა ჟურნალისტებს საქალაქო სასამართლოში, ქადაგიძის დაკითხვის დაწყებამდე განუცხადა.

მისი თქმით, დეტალებზე ამ ეტაპზე ვერ ისაუბრებს და ვერც იმაზე გააკეთებს კომენტარს, თუ რა დამატებითი კითხვები ექნება გამოძიებას გიორგი ქადაგიძესთან.

"გიორგი ქადაგიძე 2008 წელს იყო საფინანსო ზედამხედველობის სააგენტოს თავმჯდომარე. აღნიშნულ პერიოდში ზემოხსენებულ სამსახურს შემოწმებული აქვს „თიბისი ბანკი“ და შესაბამისად, ჩვენ გვაქვს შეკითხვები შემოწმების პროცესთან დაკავშირებით. კონკრეტულად თუ რა შეკითხვები იქნება, ამას ვერ მოგახსენებთ," - განაცხადა არჩილ ტყეშელაშვილმა.

შეგახსენებთ, რომ ეროვნული ბანკის ყოფილი პრეზიდენტი დღეს გამოკითხვაზე თბილისის საქალაქო სასამართლოში გამოცხადდა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს