იურიდიული დახმარების სამსახური გაერო-ს ქალთა ორგანიზაციის ქალთა საერთაშორისო დღისადმი მიძღვნილ კამპანიას უერთდება

იურიდიული დახმარების სამსახური უერთდება გაერო-ს ქალთა ორგანიზაციის ქალთა საერთაშორისო დღისადმი მიძღვნილ კამპანიას, რომლის მთავარი თემაა „გაითავისე თანასწორობა, აშენე ჭკვიანურად, გამოიყენე ინოვაცია ცვლილებებისთვის“. ამის შესახებ ნათქვამია იურიდიული დახმარების სამსახურის მიერ გავრცელებულ ინფორმაციაში.

ამასთან, იურიდიული დახმარების სამსახური, სამსახურის დირექტორის რაჟდენ კუპრაშვილი ქალთა საერთაშორისო დღის მისალოც მიმართვას ავრცელებს.

„საუკუნეზე მეტია, რაც მსოფლიო მასშტაბით, ეს დღე ქალთა უფლებების დაცვის მთავარი სიმბოლური გამოხატულებაა. ამიტომ ჩემი განსაკუთრებული მილოცვა მიმართულია იმ ქალებისადმი, რომლებიც ადამიანის უფლებების დაცვის სფეროში მოღვაწეობენ. მართალია, საქართველოში ისტორიულად ყოველთვის დაფასებული იყო ქალის როლი საზოგადოებაში, მაგრამ დღევანდელ გამოწვევად მაინც რჩება გენდერული თანასწორობის უზრუნველყოფა და ქალთა უფლებრივი მდგომარეობის გაუმჯობესება.

იურიდიული დახმარების სამსახური უერთდება გაერო-ს ქალთა ორგანიზაციის ქალთა საერთაშორისო დღისადმი მიძღვნილ კამპანიას, რომლის მთავარი თემაა „გაითავისე თანასწორობა, აშენე ჭკვიანურად, გამოიყენე ინოვაცია ცვლილებებისთვის“.

სიამაყით აღვნიშნავთ, რომ იურიდიული დახმარების სამსახურში გენდერული ბალანსი სწორედ ქალების სასარგებლოდაა. აქ დასაქმებულთა 55% სწორედ მდედრობითი სქესის წამომადგენელია. დაარსების დღიდან იურიდიული დახმარების საბჭოს ქალები ხელმძღვანელობენ. თორმეტი რეგიონული ბიუროდან ოთხს ქალი-უფროსი ჰყავს, ხოლო შვიდი საკონსულტაციო ცენტრიდან ოთხს ასევე ქალები უძღვებიან.

სსიპ იურიდიული დახმარების სამსახური ერთ–ერთი აქტიური უწყებაა, რომელსაც ქალთა უფლებების დაცვის მრავალწლიანი წარმატებული გამოცდილება აქვს. სტატისტიკის მიხედვით, 2014 წლის დასაწყისიდან დღევანდელობამდე იურიდიული დახმარების სამსახურმა სხვადასხვა სასამართლო ინსტანციაში დაიცვა 10 000-მდე ქალის ინტერესი; კონსულტაცია გაუწია 60 000-მდე ქალს; აქედან, ქალთა მიმართ და ოჯახში ძალადობის საკითხებზე კონსულტაცია გაეწია 500-მდე ქალს; სასამართლოებში დაცულია 600-მდე დაზარალებული ქალის ინტერესი;

ჩვენ ყოველდღიურ რეჟიმში განვაგრძობთ საქმიანობას ქალთა უფლებების დასაცავად და შესაბამისად, მხარს ვუჭერთ თანასწორობას საერთო კეთილდღეობისათვის! თანასწორობას ცვლილებებისთვის“, - აღნიშნულია კუპრაშვილის მიმართვაში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა