პრემიერ-მინისტრმა მამუკა ბახტაძემ „თიბისი ბანკის“ საქმესთან დაკავშირებით პროკურატურის საქმიანობა შეაფასა. როგორც პრემიერმა აღნიშნა, პროკურატურა დამოუკიდებელი ორგანოა და მას აქვს თავისი კანონით გათვალისწინებული ჩარჩოები.
„პროკურატურა არის დამოუკიდებელი ორგანო, მას აქვს კანონით გათვალისწინებული ჩარჩოები, ისევე როგორც ეროვნული ბანკს აქვს კანონით გათვალისწინებული ვადები და შესაბამისად, ამ ვადების ფარგლებში ჩვენ უნდა დაველოდოთ, მაგრამ პარალელურად უნდა მოვუსმინოთ პროკურატურას, ვინაიდან ამ საკითხთან დაკავშირებით მაღალი საზოგადოებრივი ინტერესი არსებობს. მე განსაკუთრებულს ვერაფერს ვხედავ იმაში, რომ პროკურატურა აკეთებს განცხადებებს ამ საკითხზე, პირიქით, მე ვიფიქრებდი, რომ შეიძლება საზოგადოებისთვის სწორედ ის ყოფილიყო კითხვის ნიშანი, რომ პროკურატურას არ ჰქონოდა გაკეთებული განმარტებები“, - განაცხადა პრემიერმა.
შეგახსენებთ, რომ მთავარმა პროკურატურამ „თიბისი ბანკის“ დამფუძნებლის მამუკა ხაზარაძის მიერ პროკურატურისთვის გადაცემული წერილი რამდენიმე დღის წინ ჩატარებულ ბრიფინგზე გაასაჯაროვა.