თურქეთში რუსეთის საზენიტო-სარაკეტო სისტემის С-400-ის განთავსება ოქტომბერში დაიწყება

თურქეთში რუსეთის საზენიტო-სარაკეტო სისტემის С-400-ის განთავსება მიმდინარე წლის ოქტომბერში დაიწყება. ამის შესახებ თურქეთის თავდაცვის მინისტრმა ხულუსი აკარმა განაცხადა.

„С-400-ის განთავსება ოქტომბერში დაიწყება. საჰაერო ძალები ამჟამად სწავლობენ თუ რომელ რეგიონშია უკეთესი აღნიშნული სისტემების განთავსება“, - განაცხადა თურქეთის თავდაცვის მინისტრმა.

მინისტრმა ასევე აღნიშნა, რომ „თურქეთის მიერ რუსეთისგან საზენიტო-სარაკეტო სისტემის შეძენა იძულებითი ზომაა, ვინაიდან С-400 ქვეყნის მოსახლეობის დაცვის უზრუნველყოფისთვისაა საჭირო“.

შეგახსენებთ, რომ აშშ-ს შეიარაღებული ძალების ევროპის სარდლობის მეთაურმა გენერალმა კურტის სკაპაროტიმ განაცხადა, რომ ამერიკის შეერთებულმა შტატებმა არ უნდა მიჰყიდოს თურქეთს გამანადგურებელი-ბომბდამშენი F-35, თუ ანკარა უარს არ იტყვის რუსეთის საზენიტო-სარაკეტო კომპლექსის С-400-ის შესყიდვაზე.

„ჩემი საუკეთესო სამხედრო რჩევა იქნება, რომ არ უნდა გადავცეთ F-35 ისეთ მოკავშირეს, რომელიც რუსეთის სისტემებს იყენებს, განსაკუთრებით საჰაერო თავდაცვის სისტემებს“, - განაცხადა ამერიკელმა გენერალმა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა