თამარ ჩუგოშვილი - ჩვენ გვსურს მოვიძიოთ ახალი ადამიანები სხვადასხვა დონის მმართველობის გასაძლიერებლად - ეს პროცესი მიდის და ამაში საქილიკო არაფერია

პარტია “ქართულ ოცნებას“ სურვილი აქვს, მოიძიოს ახალი ადამიანები სხვადასხვა სტრუქტურებში, სხვადასხვა დონის მმართველობის გასაძლიერებლად - ეს პროცესი მიდის და ამაში საქილიკო არაფერია, - ამის შესახებ ჟურნალისტებს პარლამენტის პირველმა ვიცე-სპიკერმა თამარ ჩუგოშვილმა განუცხადა.

როგორც ამ თემაზე საუბრისას ჩუგოშვილმა აღნიშნა, საქართველოში მოქმედ პარტიებს რომ ჰქონდეთ მისწაფება, ადამიანებს შიდა კარიერული განვითარების შესაძლებლობა მისცენ და სისტემაში შესვლის გზები შესთავაზონ, პარტიები ნაკლებად ჩაკეტილი იქნებოდა.

“ეს არის პროცესი, რომელზეც იყო საუბარი პარტიის თავამჯდომარის და პარტიის სხვა წევრების მხრიდან. არის ახალი ადამიანური რესურსის მოძიების სურვილი და ინტერესი. ამ ადამიანების მოძიება ძალიან მნიშვნელოვანია როგორც ადგილობრივი თვითმმართველობების დონეზე, ასევე სხვა დონეზე. ამიტომ არაფერი განსაკუთრებული ამაში არ არის“, - განუცხადა ჟურნალისტებს თამარ ჩუგოშვილმა.