ეროვნული უშიშროების საკითხებში აშშ-ს პრეზიდენტის თანაშემწემ ჯონ ბოლტონმა განაცხადა, რომ ნიკოლას მადუროს ეშინია ხუან გუაიდოს დაკავების ბრძანების გაცემა.

ტელეარხ ABC-სთვის მიცემულ ინტერვიუში ჯონ ბოლტონმა აღნიშნა, რომ ამგვარი ბრძანების გაცემის შემთხვევაში ის შესაძლოა, არავინ შეასრულოს.

„მივიჩნევ, რომ ახლა მამოძრავებელი ძალა ხუან გუაიდოს მხარეს არის. ხაზგასმით უნდა აღვნიშნო ის ფაქტი, რომ ვენესუელას ხელისუფლებამ ვერ გაბედა ხუან გუაიდოს დაკავება“, - აღნიშნა ჯონ ბოლტონმა.

მისივე განმარტებით, ამის მიზეზი ის არის, რომ „მადუროს ეშინია ამგვარი ბრძანების გაცემა, ვინაიდან მას შესაძლოა არ დაემორჩილონ და ეს ბრძანება არ შეასრულონ“.