დეცენტრალიზაციის რეფორმის საპარლამენტო სამუშაო ჯგუფს ზაზა გაბუნია უხელმძღვანელებს

საქართველოს პარლამენტის ბიუროს გადაწყვეტილებით, მთავრობის მიერ მომზადებული დეცენტრალიზაციის სტრატეგიის განხილვის მიზნით საპარლამენტო სამუშაო ჯგუფი შეიქმნა, რომელსაც რეგიონული პოლიტიკის და თვითმმართველობის კომიტეტის თავმჯდომარე, ზაზა გაბუნია უხელმძღვანელებს. ამის შესახებ „ინტერპრესნიუსს“ პარლამენტიდან აცნობეს.

მათივე ცნობით, სამუშაო ჯგუფი კომიტეტების თავმჯდომარეებისა და საპარლამენტო ფრაქციების წარმომადგენლების მონაწილეობით დაკომპლექტდება. მისი მიზანი იქნება, განიხილოს დეცენტრალიზაციის სტრატეგიის პროექტი და მთავრობას წარუდგინოს პარლამენტის მოსაზრებები და რეკომენდაციები.