კახა კალაძე - უახლოეს მომავალში გახდება ცნობილი,  თუ ვის შეარჩევს „ქართული ოცნება“ მაჟორიტარობის კანდიდატებად

უახლოეს მომავალში გახდება ცნობილი, თუ ვის შეარჩევს პარტია „ქართული ოცნება“ მაჟორიტარი დეპუტატობის კანდიდატებად, - ამის შესახებ „ქართული ოცნების“ გენერალურმა მდივანმა კახა კალაძემ შუალედურ არჩევნებსა და პარტიის შესაძლო კანდიდატებზე საუბრისას განაცხადა.

ჟურნალისტები დაინტერესდნენ, ადასტურებდა თუ არა კახა კალაძე ზუგდიდის მაჟორიტარად ირაკლი ჩიქოვანის, ხოლო მთაწმინდის მაჟორიტარად ლადო კახაძის კანდიდატების განხილვას.

„ძალიან ბევრი კანდიდატი განიხილება, თქვენ იცით, რომ არა მხოლოდ ამ ორ ოლქში იქნება არჩევნები, არის სხვა მუნიციპალიტეტები და ოლქები, სადაც ასევე ჩატარდება არჩევნები. შესაბამისად, უახლოეს მომავალში გახდება ცნობილი, თუ ვინ იქნება შერჩეული და წარდგენილი პარტია „ქართული ოცნება - დემოკრატიული საქართველოს“ მაჟორიტარი დეპუტატობის კანდიდატად. პიროვნულად საუბარი გამიჭირდება. რაც შეეხება კითხვას, თუ რა ნიშნით შეირჩევიან კანდიდატები, მთავარია იყვნენ პროფესიონალები, წაადგნენ ქვეყანას და ქვეყნის განვითარებას და მოსახლეობის კეთილგანწყობა ჰქონდეთ“-განაცხადა კახა კალაძემ.

„ქართულმა ოცნებამ“ მთაწმინდის ამომრჩეველს პარლამენტის შუალედურ არჩევნებში, შესაძლოა, ცნობილი ექიმის, ლადო კახაძის კანდიდატურა შესთავაზოს.

“ინტერპრესნიუსის“ ინფორმაციით, ერთ-ერთი რეალური კანდიდატი, ვისაც სახელისუფლო პარტია მთაწმინდის საარჩევნო ოლქში წარსადგენად განიხილავს, ლადო კახაძეა, თუმცა საბოლოო გადაწყვეტილება ჯერ მიღებული არ არის. ინფორმაციას არ ადასტურებს არც თავად კახაძე და აღნიშნავს, რომ მას არანაირი შეთავაზება არ მიუღია.

ლადო კახაძე 1998-2002 წლებში თბილისის საკრებულოს თავმჯდომარე იყო.

პარლამენტის შუალედური არჩევნები მთაწმინდის ოლქში მაისში გაიმართება.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა