სამწუხაროდ, პრობლემა არის მინდია გოგოჭურის გარშემო არსებული მითი, რაც ემსახურება მავანთა მიერ მისი დემონად წარმოჩენის სურვილს, - ამის შესახებ ჟურნალისტებს ყოფილი პრეზიდენტის სიძის, მინდია გოგოჭურის ადვოკატმა, შოთა მანელიძემ განუცხადა.

როგორც ის განმარტავს, გოგოჭურის წინააღმდეგ საქმეში არცერთი მტკიცებულება არსებობს. „დღევანდელ დღეს, სრულ სინქრონში იქნა მოყვანილი ბრალდებისა და სასამართლოს გადაწყვეტილება. ეს კიდევ ერთი დასტურია იმისა, თუ რაოდენ დიდი ინტერესი არსებობს ჩემი დაცვის ქვეშ მყოფის მიმართ. არანაირი სახის მტკიცებულება, თუნდაც არაპირდაპირი, გოგოჭურის მიმართ არ არსებობს. ღრმად მწამს, რომ მის მიმართ გამამართლებელი განაჩენი დადგება“, - განაცხადა მანელიძემ.

მინდია გოგოჭურს ბრალი სისხლის სამართლის კოდექსის 236-ე მუხლის მესამე და მეექვსე ნაწილებით აქვს წაყენებული, რაც ცეცხლსასროლი იარაღის ჯგუფურად უკანონო შეძენა-შენახვას, გულისხმობს. მას ბრალი ასევე წაყენებული აქვს 376-ე მუხლით, რაც დანაშაულის დაფარვას გულისხმობს. რაც შეეხება გიორგი რაზმაძეს, მას ბრალი სისხლის სამართლის კოდექსის 236-ე მუხლის მესამე და მეექვსე ნაწილებით აქვს წაყენებული, რაც ცეცხლსასროლი იარაღის უკანონო შეძენა-შენახვას, გულისხმობს. მინდია გოგოჭურს სამართალდამცავებთან პრობლემები აქამდეც ჰქონია. ის სხვადასხვა მიზეზით რამდენჯერმე იყო დაკავებული.