ბიძინა ივანიშვილს სურს დასაჯოს დავით კირკიტაძე რუსთავში არჩევნებში გამარჯვების გამო, მას სურს ასევე სამაგალითოდ დასაჯოს მთელი ოპოზიცია, - ასე შეაფასა „ერთიანი ნაციონალური მოძრაობის“ წევრმა თინათინ ბოკუჩავამ მოსამართლე ნუნუ ნემსიწვერიძის გადაწყვეტილება დავით კირკიტაძის პატიმრობაში დატოვების შესახებ.
„ამ ქალბატონს მოსამართლესაც ვერ ვუწოდებდი. ის არ იმსახურებს ამ წოდებას და მანტიას. მან წაიკითხა მისთვის მიწოდებული პოლიტიკური გადაწყვეტილება, რომელიც დაუკვეთეს და მომდინარეობს თავად ბიძინა ივანიშვილისგან. არანაირი გარემოება და ლეგიტიმური მიზანი არ არსებობს მისი პატიმრობისთვის, რატომ უნდა იყოს ეს ადამიანი წინასწარ პატიმრობაში, ამას ვერ ასაბუთებს ვერანაირად ხელისუფლება, მათ შორის ეს ე.წ. მოსამართლე, რომელმაც დღეს უბრალოდ შეასრულა პოლიტიკური დაკვეთა“, - განაცხადა ბოკუჩავამ.