„მინდა თითოეულ ქართველს მივულოცო დღევანდელი დღე, დღე, რომელმაც განაპირობა ჩვენი სახელმწიფოს დემოკრატიულ სახელმწიფოდ ჩამოყალიბება“, - ამის შესახებ პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე განაცხადა.
„ასი წლის წინ, დღევანდელ დღეს გაიხსნა პირველი დამფუძნებელი კრება, რომლითაც დაიწყო პარლამენტარიზმის ისტორია ჩვენს ქვეყანაში. ის, რომ ჯერ კიდევ 100 წლის წინ, საქართველო ერთ-ერთი პირველი იყო იმ ეპოქაში, რომელსაც დემოკრატიულად არჩეული პარლამენტი ჰყავდა, ადასტურებს ჩვენს მისწრაფებებს, ჩვენს ფასეულობებს და ჩვენს ცივილიზაციურ არჩევანს, რომლის მიხედვით საქართველო აუცილებლად გახდება ევროპის სრულუფლებიან წევრი. ჩვენ დღეს და ჩვენ თაობას აქვს ის ვალდებულება, რომ ვიყოთ იმავე ღირებულებების და ტრადიცების ერთგულები, რითაც შეიქმნა 100 წლის წინ და რომელიც გახდა მართლაც ისტორიული ეტაპი ჩვენი ქვეყნის განვითარების“, - განაცხადა ბახტაძემ.