პროკურორი - ბრალდებულ ბესიკ ტაკიძისთვის უვადო პატიმრობას ვითხოვდით

ბრალდებულ ბესიკ ტაკიძისთვის უვადო პატიმრობას ვითხოვდით, - ამის შესახებ პროკურორმა ფრიდონ ქარცივაძემ ჟურნალისტებთან საუბრისას განაცხადა.

მისი თქმით, სოფელ მუხაესტატეს პოლიციის უფროსის, ბუტა ანთაძის მკვლელობის საქმესთან დაკავშირებით, ბათუმის საქალაქო სასამართლოს გადაწყვეტილებას პროკურატურა გაასაჩივრებს.

მისივე განცხადებით, პოლიციელის მკვლელობა სამსახურეობრივი საქმიანობის შესრულებისას მოხდა.

„ბესიკ ტაკიძეს, რომლესაც სოფელ მუხაესტატეს პოლიციის უფროსის მკვლელობა ბრალად ედებოდა, სასამართლომ დამნაშავედ ცნო და მას სასჯელის სახით 20 წლით თავისუფლების აღკვეთა მიესაჯა. ჩვენ გვქონდა მოლოდინი, რომ სასამართლო ბესიკ ტაკიძეს უვადოდ თავისუფლების აღკვეთას მიუსჯიდა. მას შემდეგ, რაც ჩავიბარებთ სასამართლოს განაჩენს, ამის შემდეგ გადაწყვეტილებას გავასაჩივრებთ",- განაცხადა ფრიდონ ქარცივაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში