ეროვნული სატყეო სააგენტო დაბა სურამში სანიტარულ ჭრებთან დაკავშირებით განმარტებას აკეთებს

ეროვნული სატყეო სააგენტო, დაბა სურამში, ე.წ „ბაიანთხევის“ მიმდებარედ, სახელმწიფო ტყის ფონდის ტერიტორიაზე, დაზიანებულ მუხნარ კორომში, მიმდინარე სანიტარულ ჭრებთან დაკავშირებით, განმარტებას აკეთებს.

„აღნიშნულ ტერიტორიაზე ფიტოპათოლოგიური კვლევის საფუძველზე გამოვლინდა მავნებელი (მუხის დიდი ხარაბუზა და მუხის ფორთლის რწყილი), ასევე, დაფიქსირდა მუხის ინტენსიური ხმობა და ზეხმელი მუხის ხეები.

შესაბამისად, სააგენტოს მიერ 3,3 ჰა ფართობისათვის მომზადებულ იქნა ტყის აღდგენის პროექტი, რომელიც ითვალისწინებს 80-მდე დაზიანებული ხე-მცენარის მოჭრას და ტერიტორიაზე ტყის ბუნებრივი განახლების ხელშეწყობისა და ტყის გაშენების ღონისძიებებს.

ტერიტორიაზე სანიტარული ჭრები უკვე განხორციელდა და უახლოეს მომავალში ნერგების დარგვის ღონისძიებები დაიწყება.

მიმდინარე წლის აპრილის ბოლომდე ფართობზე 6000 ცალი მუხისა და იფნის სტანდარტრული ნერგი დაირგვება, რომლებიც სააგენტოს ტყის დროებით სანერგეებშია გამოყვანილი“, -აღნიშნულია ეროვნული სატყეო სააგენტოს მიერ გავრცელებულ ინფორმაციაში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა