ირაკლი კობახიძე საბერძნეთის და ყახაზეთის ელჩებს შეხვდა

საქართველოს პარლამენტის თავმჯდომარე ირაკლი კობახიძე საბერძნეთის რესპუბლიკის ელჩს, დიმიტრიოს კარაბალისს და ყახაზეთის რესპუბლიკის ელჩს, ბაურჟან მუხამეჯანოვს შეხვდა. ინფორმაციას პარლამენტის პრესცენტრი ავრცელებს.

საბერძნეთის საგანგებო და სრულუფლებიან ელჩთან გამართულ შეხვედრაზე ორმხრივი ურთიერთობები მიმოიხილეს და საპარლამენტთაშორისო თანამშრომლობის გაღრმავებაზე იმსჯელეს. ხაზგასმით აღინიშნა მაღალი დონის გაცვლითი ვიზიტების გააქტიურების მნიშვნელობა.

საუბარი ასევე შეეხო საბერძნეთში მცხოვრებ ქართულ დიასპორასა და ორმხრივი ურთიერთობების სხვა აქტუალურ საკითხებს.

ელჩმა ირაკლი კობახიძეს საბერძნეთის მხრიდან ჩვენი ქვეყნის დასავლური მისწრაფებების, ასევე, ტერიტორიული მთლიანობისა და სუვერენიტეტის მიმართ მტკიცე მხარდაჭერა დაუდასტურა. მისივე შეფასებით, უვიზო მიმოსვლის ამოქმედება იყო მნიშვნელოვანი წარმატება საქართველოსთვის, რაც უნდა შენარჩუნდეს.

ყახაზეთის რესპუბლიკის საგანგებო და სრულუფლებიან ელჩთან შეხვედრაზე საქართველოს პარლამენტის თავმჯდომარემ ორმხრივი ეკონომიკური ურთიერთობების გააქტიურების საკითხები განიხილა. ირაკლი კობახიძემ საქართველოსა და ყაზახეთს შორის ეკონომიკური და სავაჭრო ურთიერთობების განვითარების მნიშვნელობაზე გაამახვილა ყურადღება. მხარეების შეფასებით, არსებობს ქვეყნებს შორის ტვირთბრუნვის კიდევ უფრო გაზრდის პოტენციალი.

საუბარი შეეხო ყახაზეთში მცხოვრებ ქართულ სათვისტომოს, ასევე, ჩვენს ქვეყანაში მიმდინარე რეფორმებს. ბაურჟან მუხამეჯანოვის განცხადებით, ყახაზეთი დაინტერესებულია ქართული გამოცდილების გაზიარებით, მათ შორის, სამართალდაცვითი სისტემის რეფორმისა და ბიზნესის განვითარების მიმართულებით.

საქართველოს პარლამენტის თავმჯდომარემ ელჩს ორმხრივი ურთიერთობების გაღრმავებაში შეტანილი პერსონალური წვლილისთვის მადლობა გადაუხადა და თანამშრომლობისთვის მზადყოფნა დაუდასტურა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს