დავით ზალკალიანი გალში ირაკლი კვარაცხელიას გარდაცვალებაზე - ექსპერტიზის ოფიციალური დასკვნის მიღებისთანავე, მაქსიმალურად ავამოქმედებთ ჩვენს ხელთ არსებულ ყველა საერთაშორისო ბერკეტს

ექსპერტიზის ოფიციალური დასკვნის მიღებისთანავე, მაქსიმალურად ავამოქმედებთ ჩვენს ხელთ არსებულ ყველა საერთაშორისო ბერკეტს, - ამის შესახებ საგარეო საქმეთა მინისტრმა დავით ზალკალიანმა ჟურნალისტებს გალში, დე-ფაქტო ხელისუფლების მიერ დაკავებული საქართველოს მოქალაქის, ირაკლი კვარაცხელიას გარდაცვალებასთან დაკავშირებით განუცხადა. მინისტრის თქმით, საქართველოს ყველა ელჩს დავალებული აქვს, რომ მომხდარის შესახებ აცნობონ საერთაშორისო პარტნიორებს.

„ექსპერტიზის დასკვნა ძალიან მნიშვნელოვანი იქნება, მაგრამ მიუხედავად იმისა, თუ როდის იქნება ეს დასკვნა, საგარეო საქმეთა სამინისტრომ, ჩვენი კომპეტენციის ფარგლებში, გადავდგით კონკრეტული ნაბიჯები, მყისიერად გვქონდა კომუნიკაცია ყველა საერთაშორისო აქტორთან, მათ შორის ევროკავშირისა და გაეროს სპეციალურ წარმომადგენლებთან, ჟენევის ყველა თანათავმჯდომარესთან. ყველა ჩვენს საელჩოს მიეცა ინსტრუქცია, რომ ამის შესახებ დაუყოვნებლივ აცნობონ ჩვენს საერთაშორისო პარტნიორებს. ხვალ ჩანიშნული მაქვს შეხვედრა ევროკავშირის სპეციალურ წარმომადგენელთან, რომელიც სოხუმიდან დაბრუნდება და მისგან მოვისმენ, რა ინფორმაცია გააჩნია, მაგრამ ფაქტია, რომ ეს აღმაშფოთებელი შემთხვევაა. აუცილებელია ოკუპირებულ ტერიტორიებზე საერთაშორისო თანამეგობრობის წვდომა,"- განაცხადა დავით ზალკალიანმა.

სახელმწიფო უსაფრთხოების სამსახურის მიერ გავრცელებული ინფორმაციით, გალის რაიონში, ირაკლი კვარაცხელიამ, რომელიც დე-ფაქტო ხელისუფლების მიერ იყო დაკავებული, თავი მოიკლა.

ირაკლი კვარაცხელია საქართველოს კონტროლირებად ტერიტორიაზე გუშინ გადმოასვენეს.

იხილეთ ვიდეო:

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია