კვიპროსზე, ქალაქ ლარნაკაში საზღვარზე დაკავებული საქართველოს 8 მოქალაქე ნორმალურ პირობებში იმყოფება, - ამის შესახებ ,,ინტერპრესნიუსს“ საგარეო საქმეთა სამინისტროში განუცხადეს.

,,დაკავებულები ნორმალურ პირობებში არიან, გავრცელებული ინფორმაცია თითქოს მათ საკვები არ აქვთ არ შეესაბამება სიმართლეს. მესაზღვრეები მათ მუდმივად აწვდიან საკვებს. ჩვენი საკონსულოც და კონსულიც მუდმივ კონტაქტზეა მესაზღვრეებთან“, - აცხადებენ საგარეო საქმეთა სამინისტროში.

ლარნაკას აეროპორტში საქართველოს 8 მოქალაქეს საზღვრის გადაკვეთის საშუალება არ მისცეს და უკვე მეოთხე დღეა აეროპორტის წინასწარი დაკავების ცენტრში იმყოფებიან. არსებული ინფორმაციით, მესაზღვრეები ვერ დარწმუნდნენ, რომ საქართველოს მოქალაქეები საზღვარს ტურისტული მიზნით კვეთდნენ. 8-ვე მოქალაქის დაბრუნება სამშობლოში კვირის ბოლოს იგეგმება.