არასამთავრობოები პარლამენტში  მივიდნენ მაისურებით, წარწერით - „კლანი უნდა წავიდეს“

„კლანი უნდა წავიდეს“ - ასეთი წარწერის მქონე მაისურებით არასამთავრობო ორგანიზაციის წარმომადგენლები საპროცედურო საკითხთა და წესების კომიტეტის სხდომაზე მივიდნენ, სადაც დეპუტატებმა უზენაეს სასამართლოში მოსამართლეთა განწესების წესთან დაკავშირებით, სამ ინიციატივაზე უნდა იმსჯელონ.

როგორც „ინტერპრესნიუსს“ „საქართველოს იურისტთა ასოციაციის“ თავმჯდომარე სულხან სალაძემ განუცხადა, მნიშვნელოვანია, რომ მოხდეს იუსტიციის უმაღლესი საბჭოს წევრთა შემადგენლობის შეცვლა, რომლებიც ე.წ. კლანს წარმოადგენენ, რათა სასამართლო მართლაც გახდეს დამოუკიდებელი. წინააღმდეგ შემთხვევაში, სალაძე აღნიშნავს, რომ არანაირი კანონპროექტის მიღებას აზრი არ აქვს.

საიას თავმჯდომარის განცხადებით, სწორედ აღნიშნულიდან გამომდინარე აცვიათ მაისურები წარწერით „კლანი უნდა წავიდეს“.

„თუ იუსტიციის უმაღლესი საბჭოს წევრები არ შეიცვლებიან, კლანი შეინარჩუნებს თავის გავლენებს, არანაირი აზრი არ აქვს იმას, თუ რა ჩაიწერება კანონპროექტში. თუ ჩვენ გვინდა სასამართლოს რეალური რეფორმირება, ცვლილებები სწორედ აქედან უნდა დავიწყოთ. არა მგონია, რომ მმართველი პარტიის მიერ შემოთავაზებული კანონპროექტი ამისკენ იყოს მიდრეკილი“, - აღნიშნა სულხან სალაძემ.

საპროცედურო საკითხთა და წესების კომიტეტზე უზენაეს სასამართლოში მოსამართლეთა განწესების წესს განიხილავენ. აღნიშნულთან დაკავშირებით საკუთარი ინიციატივა აქვს „ქართულ ოცნებას“, „ევროპულ საქართველოს“ და ეკა ბესელიას.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება