ქვეით უმცროს ოფიცერთა მომზადების კურსის გამოშვების ცერემონია გაიმართა

წვრთნებისა და სამხედრო განათლების მხარდამჭერ ცენტრ „კრწანისში“ საერთო საჯარისო ცენტრის მანევრის სკოლის ქვეით უმცროს ოფიცერთა მომზადების კურსის მე-11 გამოშვების ცერემონია გაიმართა.

პირად შემადგენლობას კურსის დასრულება საქართველოს თავდაცვის მინისტრმა, ლევან იზორიამ და თავდაცვის ძალების მეთაურმა, გენერალ-მაიორმა ვლადიმერ ჩაჩიბაიამ მიულოცეს და დიპლომები გადასცეს.

ქვეითი უმცროს ოფიცერთა მომზადების კურსი საერთო საჯარისო ცენტრის მანევრის სკოლაში 2018 წლის 10 სექტემბერს დაიწყო. 27-კვირიანი სწავლება წარმატებით გაიარა 49 სამხედრო მოსამსახურემ, მათ შორის 4-მა ქალმა. დღეიდან ოთხივე ქალი და სხვა კურსდამთავრებულები საქართველოს თავდაცვის ძალების სხვადასხვა ქვედანაყოფში ქვეითი ოცეულის მეთაურის თანამდებობაზე განაწილდებიან.

კურსის განმავლობაში სამხედრო მოსამსახურეებმა მსუბუქი ქვეითი ოცეულის ტაქტიკა, სახმელეთო ნავიგაცია შეისწავლეს და მხარდამჭერ და უზრუნველმყოფ ისეთ საგნებს გაეცნენ, როგორიცაა: ლოჯისტიკა, კავშირგაბმულობა, საარტილერიო ცეცხლის გამოძახება, პირველადი სამედიცინო დახმარება, საინჟინრო მომზადება, ტანკსაწინააღმდეგო სისტემები. საერთო საჯარისო ცენტრისა და ქვეით უმცროს ოფიცერთა მომზადების კურსის ისტორიაში პირველად ჩატარდა ქვედანაყოფის ტაქტიკური სწავლება საბრძოლო სროლით.

საერთო საჯარისო ცენტრი ეროვნულ სასწავლო ცენტრ „კრწანისის“ ბაზაზე 2016 წელს დაარსდა. საერთო საჯარისო ცენტრში მიიღებიან უმცროსი ოფიცრები, რომლებმაც წარმატებით დაასრულეს სსიპ დავით აღმაშენებლის სახელობის ეროვნული თავდაცვის აკადემიის ოთხწლიანი საბაკალავრო პროგრამა და ოფიცერთა მომზადების საკანდიდატო კურსი. მანევრის სკოლის ქვეით უმცროს ოფიცერთა მომზადების კურსი ერთ-ერთია საერთო საჯარისო ცენტრში, რომელიც უზრუნველყოფს ოცეულის მეთაურების მომზადებას მსუბუქი ქვეითი სპეციალობით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს