უზენაესი სასამართლოს მოსამართლეობის კანდიდატების შერჩევის წესთან დაკავშირებით ინიცირებული საკანონმდებლო ინიციატივების განხილვა ხვალ იურიდიულ საკითხთა კომიტეტში გაგრძელდება.

უფრო კონკრეტულად, პარლამენტის იურიდიულ საკითხთა კომიტეტი 16 მარტის სხდომაზე “საერთო სასამართლოების შესახებ“ კანონში „ევროპული საქართველოს“ და ასევე, დეპუტატ ეკა ბესელიას მიერ მომზადებული კანონის პროექტების განხილვას გეგმავს, თუმცა როგორც ცნობილია, ეკა ბესელია კომიტეტის ხვალინდელ სხდომაზე პროექტის წარდგენას არ აპირებს.

გარდა ამისა, იურიდიულ საკითხთა კომიტეტი განიხილავს ამავე თემაზე იუსტიციის უმაღლესი საბჭოს არამოსამრთლე წევრების ნაზი ჯანეზაშვილისა და ანა დოლიძის საკანონმდებლო წინადადებას.

რაც შეეხება პარლამენტის თავმჯდომარის ირაკლი კობახიძისა და უმრავლესობის ექვი დეპუტატი მიერ ინიცირებულ პროექტს, კომიტეტში მასზე მსჯელობა მომავალ კვირას - 18 მარტს გაიმართება.