საქართველოს პარლამენტის თავმჯდომარე ირაკლი კობახიძე ამერიკის შეერთებული შტატების ელჩის მოვალეობის შემსრულებელს, როს უილსონს შეხვდა, ამის შესახებ „ინტერპრესნიუსს“ პარლამენტიდან აცნობეს.
შეხვედრაზე საქართველოს პარლამენტის დღის წესრიგზე იმსჯელეს და თანამშრომლობის მიმართულებები განიხილეს.
საუბარი შეეხო მართლმსაჯულების სისტემის რეფორმას, ასევე, საარჩევნო და შრომის უსაფრთხოების კანონმდებლობის დახვეწის საჭიროებას.
აშშ-ის ელჩის მოვალეობის შემსრულებელმა საქართველოს პარლამენტთან აქტიური თანამშრომლობისა და საკანონმდებლო საქმიანობის ხელშეწყობისთვის მზადყოფნა გამოთქვა.