ვენესუელელების 90%-ს ნიკოლას მადუროს პრეზიდენტის თანამდებობიდან წასვლა სურს.

აღნიშნულს ცხადყოფს ადგილობრივი სოციოლოგიური კომპანია Meganalisis მიერ ჩატარებული გამოკითხვა, რომელსაც გამოცემა El Nacional ავრცელებს.

გამოკითხვა 11 მარტიდან 14 მარტის ჩათვლით გაიმართა ვენესუელას 16 შტატში და 32 ქალაქში. გამოკითხვაში მონაწილეობა მიიღო 1.1 ათასმა ადამიანმა.

ბოლო წლების განმავლობაში ვენესუელაში მწვავე სოციალურ-ეკონომიკური კრიზისი მძვინვარებს, რომელსაც თან ახლავს ჰიპერინფლაცია და ეროვნული ვალუტის დევალვაცია. წელს კი კრიზისი უფრო გაღრმავდა მას შემდეგ, რაც ოპოზიციური პარლამენტის სპიკერმა ხუან გუაიდომ თავისი თავი ვენესუელას დროებით პრეზიდენტად გამოაცხადა.