რელიგიის საკითხთა  სააგენტო - პოლონეთის მხარე საქართველოში კათოლიკური განათლებით  და განსხვავებულ რელიგიებს შორის ურთიერთობით დაინტერესდა

პოლონეთის რესპუბლიკაში რელიგიის სააგენტოს დელეგაციის ვიზიტის ფარგლებში სააგენტოს თავმჯდომარე ზაზა ვაშაყმაძე პოლონეთის ეპისკოპოსთა კონფერენციის გენერალურ მდივანს ეპისკოპოს არტურ მიჟინსკის და მის მოადგილეს იაროსლავ მროვჩინსკის შეხვდა. როგორც „ინტერპრესნიუსს“ რელიგიის საკითხთა სახელმწიფო სააგენტოდან აცნობეს, შეხვედრას სააგენტოს სამართლებრივი უზრუნველყოფის სამსახურის უფროსი სპეციალისტი დავით დავითაშვილი, საქართველოს სრულუფლებიანი ელჩი პოლონეთის რესპუბლიკაში ილია დარჩიაშვილი და მისი მრჩეველი ნატალია თოფჩიშვილი ესწრებოდნენ.

მათივე ინფორმაციით, რელიგიის საკითხთა სახელმწიფო სააგენტოს თავმჯდომარემ მასპინძლებს ინფორმაცია საქართველოს სახელმწიფოს რელიგიური პოლიტიკისა და ამ მიმართულებით ბოლო წლებში განხორციელებული პროექტების შესახებ მიაწოდა. კერძოდ, საუბარი შეეხო საქართველოს სახელმწიფოს მხრიდან კათოლიკური ეკლესიისათვის გაწეულ ფინანსურ დახმარებას, პაპის ვიზიტებს საქართველოში, ახლადგახსნილ კათოლიკურ ეკლესიას ქალაქ რუსთავში. ასევე, ხაზგასმით აღინიშნა ინტერ-რელიგიურ სათათბიროს ფორმატში საქართველოს მართლმადიდებელ და კათოლიკურ ეკლესიებს შორის დიალოგი თანამედროვე გამოწვევების დასაძლევად.

რელიგიის საკითხთა სახელმწიფო სააგენტოს ინფორმაციით, პოლონეთის მხარე საქართველოში კათოლიკური განათლებით , განსხვავებულ რელიგიებს შორის ურთიერთობით და სხვა მიმდინარე აქტუალური საკითხებით დაინტერესდა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს