ფრაქცია “ნაციონალური მოძრაობის თავმჯდომარე რომან გოცირიძე ფინანსური მონიტორინგის სამსახურის ეროვნული ბანკის დაქვემდებარებაში გადასვლის ინიციატივით გამოდის.
დეპუტატის მიერ “ეროვნული ბანკის შესახებ“ კანონში მომზადებული ცვლილებები ხვალ პარლამენტის ბიუროს სხდომაზე გავა.
როგორც გოცირიძემ “ინტერპრესნიუსს“ განუცხადა, თავის დროზე ფინანსური მონიტორინგის სამსახურის ეროვნული ბანკიდან გამოყოფა პოლიტიკურ ხასიათს ატარებდა, რადგან ეს სამსახური შეიძლება გამოყენებული ყოფილიყო ბიზნესზე და მოქალაქეებზე ზეწოლისა და შანტაჟის ინსტრუმენტად.
”ეს “თიბისი ბანკის“ ირგვლივ განვითარებულმა მოვლენებმა დაადასტურა. გამართლდა ჩვენი ხუთი წლის წინანდელი შიშები, როცა ვეწინააღმდეგებოდით აღნიშნული ცვლილების განხორციელებას. ამ კანონპროექტით ფინანსური მონიტორინგის სამსახური ძველ სტატუსს უბრუნდება და ეროვნული ბანკის შემადგენლობაში გადადის“, - აღნიშნა რომან გოცირიძემ.