საქართველოს მორაგბეთა ნაკრები რუსეთს კრასნოდარში ანგარიშით 10:3 ამარცხებს

საქართველოს მორაგბეთა ნაკრები რუსეთის ფედერაციის ნაკრებს კრასნოდარში ანგარიშით 10:3 ამარცხებს.

მატჩი კრასნოდარში, თბილისის დროით 16:00 საათზე დაიწყო და პირველი ტაიმის ბოლო წუთამდე ანგარიში ფრე 3:3 იყო. ანგარიში „ბორჯღალოსნებმა“ 7-ე წუთზე ჯარიმით გახსნეს, რუსებმა კი საპასუხო ჯარიმა 32-ე წუთზე გაიტანეს.

40-ე წუთზე ინგლისელმა არბიტრმა საქართველოს საჯარიმო ლელო ჩაუთვალა და შესვენებაზე საქართველოს ნაკრები 7 ქულიანი უპირატესობით გავიდა.

აღნიშნულ თამაშს საქართველოს ნაკრებისთვის სატურნირო მნიშვნელობა არა აქვს. წლევანდელ „რაგბი ევროპაზე“ "ბორჯღალოსნებმა" ოთხივე მატჩი მოიგეს და ტურნირის დასრულებამდე ერთი ტურით ადრე, მდევრებისთვის მიუწვდომელნი გახდნენ.