მალხაზ კობაურის ადვოკატები - პროკურატურამ საქმეში არსებული 12 ტომიდან სასამართლოდან 11ტომი გაიტანა, 100-მდე მოწმეზე კი, უარი თქვა

ხადას ხეობაში სმიტების ოჯახის სამი წევრის მკვლელობაში ბრალდებული მალხაზ კობაურის ადვოკატების განცხადებით, პროკურატურამ საქმეში არსებული 12 ტომიდან სასამართლოში 11 ტომი გაიტანა, 100-მდე მოწმეზე კი უარი თქვა. ამის შესახებ დღეს გამართულ პრესკონფერენციაზე კობაურის ადვოკატებმა ალექსანდრე კობაიძე და ვასილ მამულაშვილმა განაცხადეს.

კობაიძის განცხადებით, მათთვის მოულოდნელად პროკურატურამ გადაწყვიტა ის მტკიცებულებები, რაც სასამართლოში ჰქონდათ წარმოდგენილი, 11 ტომი მოეხსნა და მხოლოდ ერთი ტომი დატოვა. კობაიძის თქმით, ამ ერთი ტომის მასალების საფუძველზე პროკურატურა ცდილობს კობაურს ბრალი დაუმტკიცოს, რასაც ადვოკატი შეუძლებლად მიიჩნევს.

კობაიძისთვის უცნობია, რა გახდა აღნიშნულის მიზეზი, ასევე, თუ რატომ არ გამოიკვლია პროკურატურამ საკუთარი მტკიცებულების 95%.

"საქმეში 126 მოწმე იყო, მათგან მხოლოდ 26-ის ჩვენება დარჩა. ეს მიუთითებს იმაზე, რომ ან არაეფექტურია ბრალდების მტკიცებულებები, რაც სასამართლოში იყო წარმოდგენილი და ჩვენ ამაზე ხშირად ვსაუბრობდით ან პროკურატურამ აღნიშნულ საქმესთან დაკავშირებით ინტერესი დაკარგა. ჩვენ არ გვინდა ასევე ვიფიქროთ მესამე ვარიანტზე. კერძოდ, რომ მათ რაიმე ფორმით კომუნიკაცია აქვს ნაფიც მსაჯულებთან. კითხვა დასასმელია, რამ განაპირობა ყოველივე ეს და რატომ არ გამოიკვლია პროკურატურამ მტკიცებულებების 90%?" - განაცხადა ადვოკატმა.

მისივე თქმით, სასამართლო პროცესზე დაცვის მხარის მტკიცებულებების გამოკვლევა დაიწყო. კობაიძე აცხადებს, რომ პროკურატურის მიერ მოხსნილი 90 მოწმე მათ სასამართლოში დასაკითხ პირთა ნუსხაში ჰყავთ შეყვანილი. ამასთან, ადვოკატმა მადლობა გადაუხადა ამერიკის საკონსულოს.

კობაიძის თქმით, სასამართლო პროცესებს აშშ-ს კონსული ესწრება და პროცესის ყველა დეტალს მხარეებთან ერთად გადის.

შეგახსენებთ, რომ ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ბრალი ედება სისხლის სამართლის კოდექსის 109-ე მუხლის პირველი ნაწილის „გ“, მე-2 ნაწილის „ბ“, მე-3 ნაწილის „ა“ და „ბ“ ქვეპუნქტებით გათვალისწინებულ დანაშაულში, რაც 16-დან 20-წლამდე ან უვადო პატიმრობას ითვალისწინებს.

იხილეთ ვიდეო:

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს