ეს სასამართლო „კლანი“ კი არა, ჭინკების კორპორაციაა,- ამის შესახებ „ინტერპრესნიუსს" ფრაქცია „ნაციონალური მოძრაობის" თავმჯდომარემ, რომან გოცირიძემ განუცხადა. დეპუტატის შეფასებით, კანონპროექტი, რომელიც მმართველმა პარტიამ მოსამართლეებთან დაკავშირებით წარმოადგინა, გარანტია იმ ინტერესების დაცვის, რომელიც უმრავლესობასა და იუსტიციის უმაღლესი საბჭოს მოსამართლე წევრებს აქვთ.

დეპუტატის განცხადებით, მისი ფრაქცია აღნიშნულ კანონპროექტს მხარს არ დაუჭერს.

„ეს არის გაერთიანებული გუნდი, რომელიც ხელისუფლების და მისი ინტერესების მაქსიმალურ დაცვას ცდილობს. ამის მაგალითია ეს კანონპროექტიც, რომელიც "ოცნებამ" წარმოადგინა. ეს კანონპროექტი კიდევ უფრო აუარესებს სასამართლო სისტემაში არსებულ მდგომარეობას. დავალება ასეთია, რომ შემოაპარონ ის მოსამართლეები, რომლის სახელიც და გვარიც, ბავშვმაც იცის“, - აღნიშნა რომან გოცირიძემ.