ვანო ზარდიაშვილი - „კლანი“ არასამთავრობო სექტორში საია-ს აქვს, ჰკითხეთ „შავრაზმელებს“, „შავმაიკიანებს“, რამდენს ჰქონდა შეხება საია-სთან

საპარლამენტო უმრავლესობის წევრი ვანო ზარდიაშვილი არასამთავრობო სექტორს უპირისპირდება. როგორც ვანო ზარდიაშვილმა იურიდიულ საკითხთა კომიტეტის სხდომაზე შესვენების გამოცხადების შემდეგ განაცხადა, მესამე სექტორი საზოგადოებაში მიზანმიმართულად ავრცელებს დამახინჯებულ აზრს, იგივე მის გავლენებთან დაკავშირებით სასამართლო ხელისუფლებაზე.

როგორც ვანო ზარდიაშვილმა განაცხადა, ე.წ. „კლანი“ არასამათავრობო სექტორში აქვთ „საქართველოს ახალგაზრდა იურისტთა ასოციაციას“, რადგან ორგანიზაციას სასამართლოს ხელისუფლებასთან მიმართებით თავად გააჩნია ინტერესები, კერძოდ, კი ანა ნაცვლიშვილის იუსტიციის უმაღლეს საბჭოში განწესებასთან დაკავშირებით.

ვანო ზარდიაშვილმა მესამე სექტორს „შავრაზმელები“ უწოდა, თუმცა მოგვიანებით მან აღნიშნული ფრაზის გამოყენების გამო ბოდიში მოიხადა.

„ჰკითხეთ „შავრაზმელ“, „შავმაიკიანებს“, რამდენ ადამიანს ჰქონდა შეხება საია-სთან. რამდენ ადამიანს აქვს ფესვები საია-ში. არასამთავრობო სექტორში ძირითადად წარმოდგენილები არიან ან საია-დან ან საია-ს წარმომადგენლებიდან,“, - აღნიშნა ვანო ზარდიაშვილმა.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა