მიხეილ სააკაშვილის ფიგურასთან დაკავშირებით 25 წელია ვსაუბრობ, აქედან დაახლოებით 16 წელია პოზიტიური არაფერი მითქვამს, - ამის შესახებ „შენების მოძრაობის” ლიდერმა დავით უსუფაშვილმა განაცხადა.
“რაც შეეხება სააკაშვილის განცხადებას, ქვეყანა მაშინ დალაგდება, როდესაც ყველა პარტიას ექნება საშუალება იყოს ადეკვატურად წარმოდგენილი არჩევით ორგანოებში. ასე რომ, ეს საკითხი მივანდოთ ხალხს. ჩვენ უნდა დავანებოთ თავი მტრის ხატების ძებნას, ძველების თუ ახლების. არ უნდა გვეგონოს, თუ ვინმეს გაუშვებთ ხელისუფლებიდან ან თუ ვინმეს არ მოუშვებთ, ამით საქმე მოგვარდება. საქმე მაშინ მოგვარდება, როდესაც კარგი ხალხი, კომპეტენტური ადამიანები იქნებიან მართვის სადავეებთან, ამიტომ პოლიტიკური ხედვაა შესატრიალებელი“, - განაცხადა უსუფაშვილმა.