ნიდერლანდებში, ქალაქ უტრეხტში მომხდარ სროლასთან დაკავშირებით, რომლის შედეგად ერთი ადამიანი დაიღუპა, ხოლო რამდენიმე კი დაშავდა, პოლიცია წარმოშობით თურქ მამაკაცს ეძებს.

პოლიციის მიერ გავრცელებული ინფორმაციის თანახმად, საუბარია 37 წლის მამაკაცზე, ვინმე გექმან თანისზე.

პოლიცია მოქალაქეებს მიმართავს, ინფორმაცია მიაწოდონ მათ ეჭვმიტანილის ადგილსამყოფელის შესახებ.

შეგახსენებთ, რომ დღეს უტრეხტში მამაკაცმა ცეცხლი გახსნა ტრამვაიში. პოლიცია ერთ-ერთ ვერსიად ტერაქტს განიხილავს.