პირადი ცხოვრების ამსახველი ფარული ჩანაწერების საქმეზე ბრალდებულის ადვოკატი განცხადებას ავრცელებს

დაცვის მხარე იმედს იტოვებს, რომ ზურაბ სოლომნიშვილის მიმართ არ განხორციელდება შერჩევითი მართლმსაჯულება,- ამის შესახებ პარლამენტის წევრის პირადი ცხოვრების ამსახველი ფარული ჩანაწერების საქმეზე ბრალდებულ ზურაბ სოლომნიშვილის ადვოკატის განცხადებაშია აღნიშნული.

მუხრან ღურწკაიას თქმით, საქმეზე ამ დრომდე არავინ არის ცნობილი დაზარალებულად, არც არავინაა დაკითხული დაზარალებულის სახით და საქმეში მტკიცებულების სახით არ დევს ფარული ჩანაწერი. ამ პირობებში შეუძლებელია სასამართლო იყოს ობიექტური და ამავე დროს პატიმრობაში დატოვოს ბრალდებული.

„2019 წლის 13 მარტს პროკურატურამ პარლამენტის წევრის პირადი ცხოვრების ამსახველი ფარული ჩანაწერების საქმეზე სასამართლოს მიმართა შუამდგომლობით გამოძიების ვადის გაგრძელების თაობაზე. აღნიშნული ვადა სასამართლოს მიერ სრულიად დაუსაბუთებლად, უსაფუძვლოდ და უკანონოდ გაგრძელდა და სასამართლო სხდომა გადაინიშნა 2019 წლის 15 მაისს, 12:00 საათზე.

ზემოაღნიშნულიდან გამომდინარე აღკვეთის ღონისძიების გადასინჯვის სხდომა ჩაინიშნა 20 მარტს, 13:00 საათზე. დაცვის მხარე აყენებს შუამდგომლობას ზურაბ სოლომნიშვილის მიმართ აღკვეთის ღონისძიების, პატიმრობის უფრო ნაკლებად მკაცრი აღკვეთის ღონისძიებით, გირაოთი შეცლის თაობაზე, ვინაიდან არ არსებობს ყველაზე მკაცრი აღკვეთის ღონისძიების, განგრძობადი პატიმრობის ძალაში დატოვების აუცილებლობა.

დაცვის მხარე იმედს იტოვებს, რომ სასამართლო ამჯერად მაინც დააკმაყოფილებს დაცვის მხარის შუამდგომლობას და ზურაბ სოლომნიშვილის მიმართ არ განხორციელდება შერჩევითი მართლმსაჯულება. როგორც მოგეხსენებათ, აღნიშნულ საქმეზე 13 ბრალდებულს აღკვეთის ღონისძიების სახით შეფარდებული აქვს გირაო. საქმეზე არსებითად მნიშვნელოვანია ის გარემოება, რომ საქმეზე ამ დრომდე არავინ არის ცნობილი დაზარალებულად, არც არავინაა დაკითხული დაზარალებულის სახით და საქმეში მტკიცებულების სახით არ დევს ფარული ჩანაწერი. ამ პირობებში შეუძლებელია სასამართლო იყოს ობიექტური და ამავე დროს პატიმრობაში დატოვოს ბრალდებული“, - აღნიშნულია ფარული ჩანაწერების საქმეზე ბრალდებულ ზურაბ სოლომნიშვილის ადვოკატის მუხრან ღურწკაიას მიერ გავრცელებულ განცხადებაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს