საფრანგეთის ხელისუფლება აკრძალავს „ყვითელი ჟილეტების“ საპროტესტო აქციებს კონკრეტულ უბნებში თუ მათშიმონაწილეობას რადიკალები მიიღებენ. ამის შესახებ საფრანგეთის პრემიერ-მინისტრმა ედუარ ფილიპმა განაცხადა.
„ჩვენ ავამოქმედებთ სტრატეგიას, რომელიც რადიკალების წინააღმდეგ ბრძოლას გააძლიერებს. შემდეგი შაბათიდან როდესაც ეს აუცილებელი იქნება, ჩვენ ავკრძალავთ „ყვითელი ჟილეტების“ მანიფესტაციას იმ უბნებში, რომელიც ყველაზე უფრო დაზარალდა რადიკალებისგან“, - განაცხადა საფრანგეთის პრემიერმა.
ედუარ ფილიპმა დააზუსტა, რომ პარიზში ამგვარი აკრძალვა შეეხება: შანზ-ელიზეს, ბორდოში პეი ბერლანის მოედანს და ტულუზაში კაპიტოლიუმის მოედანს.
„როდესდაც მანიფესტაცია ორგანიზებულია არეულობის მოწყობისთვის, ყველა, ვინც მასში მონაწილეობს, ვინც ულტრარადიკალებს იცავს, მათი თანამზრახველია“, - აღნიშნა ფილიპმა.