საქართველოს სკოლები წელს 57 ათასამდე პირველკლასელს მიიღებს, - ამის შესახებ საქართველოს განათლების, მეცნიერების, კულტურისა და სპორტის მინისტრის მოადგილემ ირინა აბულაძემ ჟურნალისტებს დასმული კითხვის საპასუხოდ განუცხადა.

როგორც აბულაძემ განმარტა, მხოლოდ საჯარო სკოლებში 59 ათასამდე ადგილია.

"ჩვენი ინფორმაციით, მოსწავლეთა რაოდენობა დიდად არ იცვლება წინა წელთან მიმართებაში. დაახლოებით, 57 ათას მოსწავლეს ველით საჯარო და კერძო სკოლებში. სკოლების რაოდენობაც ცოტა უფრო მეტია, ამიტომ საჯარო სკოლებში 59 ათასამდე ადგილია. კერძო სკოლების ერთიანი სისტემა არ არსებობს. თუმცა, ცხადია, განსხვავდება რაოდენობა თბილისის და რეგიონების მიხედვით", - განაცხადა აბულაძემ.