აკაკი ბობოხიძე - ირაკლი სესიაშვილის ინიციატივამ ჯარში გაწვევასთან დაკავშირებით, შესაძლოა, რელიგიურ ექსტრემიზმს დაუდოს საფუძველი

ირაკლი სესიაშვილის ინიციატივამ ჯარში გაწვევასთან დაკავშირებით, შესაძლოა, რელიგიურ ექსტრემიზმს დაუდოს საფუძველი, - ამის შესახებ „ევროპული საქართველოს“ წევრმა აკაკი ბობოხიძემ განაცხადა.

ბობოხიძე გამოეხმაურა სესიაშვილის ინიციატივას, რომელიც სამხედრო სავალდებულო სამსახურის მოხდას ყველა რელიგიური ორგანიზაციის წარმომადგენელს ავალდებულებს, გარდა მართლმადიდებლური ეკლესიის წარმომადგენლების.

„მინდა ყურადღება გავამახვილო იმ სახიფათო ინიციატივაზე, რომელიც დარეგისტრირდა ირაკლი სესიაშვილის სახელით ჯარში გაწვევასთან დაკავშირებით. პირველად ქართულ კანონმდებლობაში რელიგიური ნიშნით განსხვავებებს ეყრება საფუძველი და არც ერთ შემთხვევაში არ გამოგვადგება ბატონო ირაკლი თქვენი მოსაზრება, რომ თურმე ეს ასე არ არის. ეს არის თაღლითობა. რაც ყველაზე მთავარია, ჩვენ შესაძლებლობაც არ უნდა დავუშვათ, რომ რელიგიურ ექსტრემიზმს დავუდოთ საფუძველი ქვეყანაში, რადგან თქვენ, ამ რელიგიებს აიძულებთ იყვნენ განსხვავებულ მდგომარეობაში ქვეყანასთან და კანონთან მიმართებაში. გარდა ამისა, მთელი ჩვენი ისტორია ვსწავლობდით როგორ იბრძოდნენ ქართველი მართლმადიდებელი მღვდლები სამოქალაქო პირებთან ერთად და თქვენ რას გვეუბნებით, რომ თურმე ყველა რელიგიისთვის სავალდებულოა ქვეყნის დაცვა, ერთადერთი ვისთვისაც ეს სავალდებულო არ არის არის მართლმადიდებლური ეკლესია? ეს პირდაპირ შეურაცხყოფაა მართლმადიდებლური ეკლესიის“, - განაცხადა აკაკი ბობოხიძემ.

სამხედრო სავალდებულო სამსახურთან დაკავშირებით თავდაცვისა და უშიშროების კომიტეტის თავმჯდომარემ ირაკლი სესიაშვილმა ინიციატივა წარადგინა.

პროექტით კანონის ის ნორმა უქმდება, რომლის მიხედვით, პირები რომლებიც არიან მღვდელთმსახურები ან სასულიერო სასწავლებელში სწავლობენ, სამხედრო სავალდებულო სამსახურის გადავადების უფლებით სარგებლობენ.

როგორც ირაკლი სესიაშვილი განმარტავს, აღნიშნული ინიციატივა მართლმადიდებელ სასულიერო პირებზე არ გავრცელდება, რადგან მათთან დაკავშირებით კონკორდატით გათვალისწინებული წესი მოქმედებს. მისივე თქმით, პირები, რომლებიც სინდისის, აღმსარებლობისა და რწმენის თავისუფლების შესაბამისად უარს განაცხადებენ მოიხადონ სამხედრო სავალდებულო სამსახური, აქვთ კანონიერი უფლება და ვალდებულება სამხედრო სავალდებულო სამსახურის ნაცვლად, არასამხედრო, ალტერნატიული შრომითი სამსახური გაიარონ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო