დიდ დიღომში გაჩენილი ხანძრის დროს დაშავებულ ზურაბ მჭედლიძეს, კლინიკა „ვივამედში“, სავარაუდოდ, დღეს დაკითხავენ.
როგორც კლინიკაში აცხადებენ, ზურაბ მჭედლიძე, რომელიც არსებული ინფორმაციით, საქმეზე ბრალდებულად მოიაზრება, დღეს რეანიმაციული განყოფილებიდან პალატაში გადაიყვანეს.
დიდ დიღომში ხანძარი 17 მარტს გაჩნდა. დაიწვა 2 000 კვადრატულ მეტრამდე სასაწყობე ფართი, რომელშიც ტექნიკა ინახებოდა. საქმეზე დაწყებულია გამოძიება.