დიდ დიღომში გაჩენილი ხანძრის დროს დაშავებული ზურაბ მჭედლიძის გამოსაკითხად კლინიკა „ვივამედში“ გამომძიებლები მივიდნენ.
კლინიკაში სამი გამომძიებელი იმყოფება. მათ ჟურნალისტებთან კომენტარი არ გაუკეთებიათ.
მჭედლიძე, რომელიც არსებული ინფორმაციით, საქმეზე ბრალდებულად მოიაზრება, დღეს რეანიმაციული განყოფილებიდან პალატაში გადაიყვანეს.
დიდ დიღომში ხანძარი 17 მარტს გაჩნდა. დაიწვა 2 000 კვადრატულ მეტრამდე სასაწყობე ფართი, რომელშიც ტექნიკა ინახებოდა. საქმეზე დაწყებულია გამოძიება.