თბილისის მერია - კახა კალაძემ კონტრაქტორ კომპანიებს ინფრასტრუქტურული პროექტების მაქსიმალურად მოკლე დროში დასრულება და ხარისხის გაუმჯობესება სთხოვა

თბილისის მერი კახა კალაძე საგზაო-სამშენებლო კომპანიების წარმომადგენლებს შეხვდა, რომლებმაც მერიის მიერ გამოცხადებულ ტენდერებში გაიმარჯვეს. ამის შესახებ „ინტერპრესნიუსს“ თბილისის მერიიდან აცნობეს.

მათივე ინფორმაციით, დედაქალაქის მერმა კონტრაქტორ კომპანიებს ინფრასტრუქტურული პროექტების მაქსიმალურად მოკლე დროში დასრულება და აღნიშნული მიმართულებით, ხარისხის გაუმჯობესება სთხოვა.

კახა კალაძემ შეხვედრაზე მერიის ინიციატივით დაგეგმილ იმ პროექტებზე ისაუბრა, რომელიც ქალაქში არსებული ინფრასტრუქტურის გაუმჯობესებისკენ არის მიმართული. თავის მხრივ, კონტრაქტორი კომპანიების წარმომადგენლებმა თბილისის მერიასთან აქტიური თანამშრომლობის მზადყოფნა გამოთქვეს და პროექტების ხარისხიანად შესრულების პირობა დადეს.

„თქვენ ხართ ის ადამიანები, რომლებმაც მერიის მიერ გამოცხადებულ ტენდერებში გაიმარჯვეს, რაც ქალაქისთვის ინფრასტრუქტურის თვალსაზრისით, ძალიან მნიშვნელოვანია. ის პრობლემები, რომელიც დღეს დედაქალაქში გვაქვს, გვინდა, რომ მაქსიმალურად სწრაფად მოგვარდეს. ამიტომ, ჩვენთვის ძალიან მნიშვნელოვანია ხარისხი და დრო. შარშან, ძალიან კარგი პროექტები განვახორციელეთ, რომლებშიც ხარისხის თვალსაზრისით, პრობლემა არ გვაქვს. ერთადერთი, რაც გვაწუხებს, არის დრო. გვინდა, რომ შესაბამის სამსახურებთან მაქსიმალური კოორდინაცია იყოს, რათა იმ პროექტების დაგეგმვა, რომელშიც თქვენ გაიმარჯვეთ, ერთობლივად და დროულად მოხდეს“, - განაცხადა კახა კალაძემ.

კონტრაქტორი კომპანიების წარმომადგენლებთან გამართულ შეხვედრას ასევე, თბილისის მერის მოადგილე ირაკლი ბენდელიანი, თბილისის მერიის ინფრასტრუქტურის განვითარების საქალაქო სამსახურის უფროსი გალაქტიონ ბუაძე და მუნიციპალური ლაბორატორიის დირექტორი ლაშა სამხარაძე დაესწრნენ.

როგორც თბილისის მერის მოადგილემ აღნიშნა, კომპანიების წარმომადგენლებისგან მიიღეს დაპირება, რომ უახლოეს მომავალში დაგეგმილი პროექტები ხარისხიანად განხორციელდება.

„დედაქალაქის მერთან ერთად, კონტრაქტორი კომპანიების ხელმძღვანელებს შევხდით. წელს დედაქალაქში ინფრასტრუქტურული პროექტების თვალსაზრისით, გაცილებით უფრო დიდი მასშტაბებია გათვალისწინებული, ვიდრე გასულ წლებში იყო. ჩვენი მხრიდან დაისვა მოთხოვა, რომ რაც შეიძლება მაღალი ხარისხით და შესაბამისად, მცირე დროში მოხდეს სამუშაოების შესრულება, ვინაიდან, თითოეული სამუშაო პროცესი, გარკვეულწილად, მოძრაობის შეფერხებებთან არის დაკავშირებული. იმედი გვაქვს, რომ ქალაქში შესაბამისი ინფრასტრუქტურული სამუშაოები რაც შეიძლება მოკლე დროში დასრულდება და ყოველივე ეს მაღალი ხარისხით იქნება შესრულებული“, - აღნიშნა ირაკლი ბენდელიანმა.

ამასთან, კონტრაქტორი კომპანიების წარმომადგენლებმა პროექტების განხორციელების პროცესში სხვადასხვა უწყებასთან კომუნიკაციაში დახმარება ითხოვეს, რაზეც მაქსიმალური თანადგომის პირობა მიიღეს.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო