საპარლამენტო უმრავლესობის ლიდერმა, დეპუტატმა არჩილ თალაკვაძემ, განაცხადა რომ ვენეციის კომისიის დასკვნამ საგამოძიებო და საპროკურორო ფუნქციების რეფორმაზე ცვლილებების საჭიროება დაადასტურა. ამის შესახებ „ინტერპრესნიუსს“ „ქართული ოცნებიდან“ აცნობეს.

„ვენეციის კომისიის დასკვნა საგამოძიებო და საპროკურორო ფუნქციების რეფორმაზე, კიდევ ერთხელ ადასტურებს, რომ ხედვა ცვლილებებთან დაკავშირებით სწორია. საკანონმდებლო დონეზე გამომძიებლისა და პროკურორის უფლებამოსილებების მკაფიოდ გაწერა მნიშვნელოვანია. ეს რეფორმა უფრო ეფექტურს და ხარისხიანს გახდის გამოძიებას“, - განაცხადა არჩილ თალაკვაძემ.