ამერიკის შეერთებული შტატები სერიოზულად განიხილავს ბრაზილიის ჩრდილოატლანტიკურ ალიანსში გაწევრიანების საკითხს. „როიტერის“ ინფორმაციით, ამის შესახებ ამერიკის პრეზიდენტმა დონალდ ტრამპმა თეთრ სახლში, ბრაზილიის პრეზიდენტის ჟაირ ბოლსომარუს მიღებისას განაცხადა.
„სამშაბათს ტრამპმა განაცხადა, რომ დაბეჯითებით განიხილავს ბრაზილიის ნატოში, ან სხვა ნებისმიერ ალიანსში გაწევრიანების საკითხს“, - აღნიშნულია სააგენტოს ინფორმაციაში.