პირადი ცხოვრების ამსახველი ფარული ვიდეოჩანაწერების საქმეზე პატიმრობაში მყოფი პირების სასამართლო პროცესი დღეს გაიმართება

პირადი ცხოვრების ამსახველი ფარული ვიდეოჩანაწერების საქმეზე პატიმრობაში მყოფი პირების სასამართლო პროცესი თბილისის საქალაქო სასამართლოში დღეს, 13.00 საათზე გაიმართება.

აღნიშნულ საქმეზე ბრალდებული 18 პირიდან 4 პირს აღკვეთის ღონისძიების სახით პატიმრობა აქვს შეფარდებული. სწორედ, მათ მიმართ შეფარდებულ აღკვეთის ღონისძიებას გადასინჯავს დღეს სასამართლო.

სამართალდამცავებმა პირადი ცხოვრების ამსახველი ვიდეოჩანაწერის გავრცელების ფაქტზე ჩატარებული ოპერატიულ-საგამოძიებო მოქმედებების შედეგად, ვიდეოჩანაწერის შენახვის და გავრცელების ბრალდებით, 18 პირი დააკავეს. მათ ბრალი საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით აქვთ წარდგენილი.

გამოძიებით დადგინდა, რომ აღნიშნული პირები სოციალური ქსელის და მობილური ინტერნეტაპლიკაციის მეშვეობით ინახავდნენ და მასობრივად ავრცელებდნენ პირადი ცხოვრების ამსახველ ვიდეოჩანაწერს.

იხილეთ ვიდეო: სრულიად საქართველოს მუფტი - კანონში სხვადასხვა კონფენსიების მიმართ თანაბარი მიდგომა უნდა იყოს