20 მარტს განათლების საერთაშორისო ცენტრის კურსდამთავრებულთა ასოციაციისა და მრჩეველთა საბჭოს წევრების სამუშაო შეხვედრა გაიმართა. საქართველოს განათლების, მეცნიერების, კულტურისა და სპორტის სამინისტროს მიერ გავრცელებული ინფორმაციით, შეხვედრის მთავარი მიზანი იყო მიმდინარე წელს ასოციაციის საქმიანობის ძირითადი მიმართულებების განსაზღვრა და სამომავლო პროექტებზე შეთანხმება.

შეხვედრას ცენტრის კურსამთავრებულებთან ერთად ესწრებოდნენ საბჭოს წევრები: ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, განათლების, მეცნიერების, კულტურისა და სპორტის მინისტრი მიხეილ ბატიაშვილი, პრემიერ-მინისტრის მრჩეველი განათლებისა და მეცნიერების საკითხებში მიხეილ ჩხენკელი, განათლების საერთაშორისო ცენტრის აღმასრულებელი დირექტორი ნინო ჭელიძე, ფერმერთა ასოციაციის თავმჯდომარე ნინო ზამბახიძე, ინფორმაციის თავისუფლების განვითარების ინსტიტუტის ანტიკორუფციული მიმართულების ხელმძღვანელი საბა ბუაძე, საკონსულტაციო კომპანია "ჯეპრას" პარტნიორი სოსო გალუმაშვილი და თბილისის სახელმწიფო უნივერსიტეტის, ეკონომიკის საერთაშორისო სკოლის (ISET) სამეთვალყურეო საბჭოს თავმჯდომარე ჟან ფრედერიკ პოლსენი.

მრჩეველთა საბჭოს წევრებმა განიხილეს კონკრეტული საპროექტო შესაძლებლობები და განსაზღვრეს მცირე საგრანტო პროგრამის ძირითადი მიმართულებები.