გაეროს სააპელაციო მოსამართლეებმა ბოსნიელი სერბების ყოფილ ლიდერს რადოვან კარაჯიჩს, რომელსაც 40 წლით თავისუფლების აღკვეთა ჰქონდა მისჯილი, სასჯელი დაუმძიმეს და მას სამუდამო პატიმრობა შეუფარდეს. ამის შესახებ „Associated Press“ იუწყება.
სააგენტოს ცნობით, კარაჯიჩს რეაგირება არ მოუხდენია მოსამართლის მიერ წაკითხულ განაჩენზე, რომლის მიხედვითაც, 73 წლის სერბეთის ყოფილ მტავარსარდალს დარჩენილი სიცოცხლის ციხეში გატარება მოუწევს.
სასამართლოს გადაწყვეტილებით, მომდევნო 40 წლით თავისუფლების აღკვეთის შესახებ განაჩენი საკმაოდ რბილი იყო დანაშაულის მასშტაბიდან გამომდინარე.
განაჩენის გამოცხადებას დარბაზში აპლოდისმენტები მოყვა.
საერთაშორისო სისხლის სამართლის ტრიბუნალმა რადოვან კარაჯიჩს გენოციდსა და სხვა ცხრა ბრალდებით განაჩენი 2016 წელს გამოუტანა.