პაატა ზაქარეიშვილი - „ქართულ ოცნებას“ წინასაარჩევნოდ შევთავაზებდი ლოზუნგს - „რა დროს საქართველოა, პარტია გადასარჩენია“

„ქართულ ოცნებას“ წინასაარჩევნოდ შევთავაზებდი ლოზუნგს - „რა დროს საქართველოა, პარტია გადასარჩენია“, - ამის შესახებ შერიგებისა და სამოქალაქო თანასწორობის საკითხებში ყოფილმა სახელმწიფო მინისტრმა, პოლიტოლოგმა პაატა ზაქარეიშვილმა განაცხადა.

მისი თქმით, მმართველი პარტია აბსოლუტურად გადასულია საკუთარი თავის დაცვაზე და სახელმწიფოებრივი ინტერესები გვერდზე აქვთ გაწეული.

„ქართული ოცნება“ პოლიტიკური პარტიიდან გადაიქცა რეჟიმად. როდის იწყება რეჟიმზე ლაპარაკი? როდესაც პარტია თავის თავს იცავს და სულ არ ადარდებს სახელმწიფოში რა ხდება. „ქართული ოცნება“ გადავიდა საკუთარი თავის დაცვის რეჟიმში და სხვა არაფერი ადარდებს. აშკარად ჩანს, რომ მთელი ენერგია, რისი გამოყოფაც შეუძლია მმართველ პოლიტიკურ ძალას, ეს არის თავის თავის დაცვა და არა სახელმწიფოს ინტერესები. მე რომ მკითხონ დღეს რა იქნება „ქართული ოცნების“ წინასაარჩევნო ლოზუნგი, ასეთ ლოზუნგს შევთავაზებდი - „რა დროს საქართველოა, პარტია გადასარჩენია“. ეს უნდა იყოს მათი დღევანდელი ლოზუნგი, იმდენად უჭირთ“, - განაცხადა პაატა ზაქარეიშვილმა.

მისივე თქმით, დღეს ,,ქართული ოცნება“ არის დაღმავლობის გზაზე.

„მათ არ ჰყავთ პოლიტიკოსები და ანალიტიკოსები, ვინც ამას დაინახავს და ეს მშვენივრად გამოჩნდა გუშინდელ საპარლამენტო დებატებში, როცა ჯიუტად, კბილებით ჩაფრენილები არიან ამ მართლაც და უდღეურ მოსამართლეებზე. სააკაშვილმა ვერ მოახერხა თავისი ავტორიტარიზმით, თავისი ძლევამოსილების დაცვა და ესენი თავისი უდღეურობითა და უუნარობით როგორ მოახერხებენ ამ სიტუაციის გადარჩენას?!, - განაცხადა ზაქარეიშვილმა.

პოლიტოლოგმა პარტიაში მიმდინარე მოვლენებსა და ბიძინა ივანიშვილის მმართველობის სტილზეც ისაუბრა.

„მე ვიცი, რომ ის იმდენად ცუდი არაა, როგორიც ჩანს საზოგადოებაში, მას უყვარს საქართველო, პატრიოტია, მაგრამ არ იცის სახელმწიფოს მართვა. მან ააგო პოლიტიკა ერთგულებაზე და არა პარტნიორობაზე. ის ბიზნესმენია და დამოკიდებულება აქვს ამგვარი: რაკი, მე შენ ფულს გიხდი, შენ ჩემი ხარ! მან ვერ გათვალა, რომ პოლიტიკოსი არ არის დაქირავებული მუშა, პოლიტიკოსი არის პოლიტიკის გამტარებელი. ეს არის ისევ და ისევ გადარჩენაზე და არა სახელმწიფო სამსახურზე მომუშავე გუნდი“, - განაცხადა პაატა ზაქარეიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს