პროკურატურამ გარკვეული როლი ითამაშა და შეიძლება ითქვას, რომ კარგი როლიც, მანამდე ხალხმა არ იცოდა, რომ ანაკლიის პორტს ვაშენებდით, - ამის შესახებ საქართველოს ვიცე-პრემიერმა, ინფრასტრუქტურის მინისტრმა მაია ცქიტიშვილმა პარლამენტის პლენარულ სხდომაზე ანაკლიის პროექტზე საუბრისას დეპუტატების კითხვების საპასუხოდ განაცხადა.
„კითხვაზე გააჩინა თუ არა პროკურატურის კითხვებმა პრობლემები ანაკლიის პროექტთან მიმართებაში, ვიტყვი, რომ საქმიან ნაწილში არ გაუჩენია პრობლემები. თუ ვსაუბრობთ იმაზე, რომ საერთოდ რატომ დავიწყეთ ამ პროექტზე საუბარი და რატომ გაჩნდა ინტერესი ამ პორტის მიმართ, ვიტყვი რომ პროკურატურამ გარკვეული როლი ითამაშა და შეიძლება ითქვას, რომ კარგი როლიც. მანამდე ხალხმა არ იცოდა, რომ თურმე ანაკლიის პორტს ვაშენებდით თუ ვერ ვაშენებდით. სამწუხაროდ ეს ინტერესი დღეს არის არაჯანსაღი. სამწუხაროდ იმ მიმართულებით მიდის ეს ინტერესი, რომ სახელმწიფოზე გადმოვიდეს მთელი პასუხისმგებლობა ამ პროცესთან დაკავშირებით“, - განაცხადა მაია ცქიტიშვილმა.