შოთა რუსთაველის საქართველოს ეროვნული სამეცნიერო ფონდის გენერალური დირექტორის მოადგილე ჯაბა სამუშია საქართველოს საისტორიო საზოგადოების ვიცე-პრეზიდენტად აირჩიეს

შოთა რუსთაველის საქართველოს ეროვნული სამეცნიერო ფონდის გენერალური დირექტორის მოადგილე ჯაბა სამუშია საქართველოს საისტორიო საზოგადოების ვიცე-პრეზიდენტად აირჩიეს.

როგორც „ინტერპრესნიუსს“ შოთა რუსთაველის საქართველოს ეროვნული სამეცნიერო ფონდიდან აცნობეს, საქართველოს საისტორიო საზოგადოების დაარსების ისტორია დაკავშირებულია 1907 წელს ექვთიმე თაყაიშვილის მიერ საქართველოს საისტორიო და საეთნოგრაფიო საზოგადოების შექმნასთან.

„ამჯერად საქართველოს საისტორიო საზოგადოება მის სახელს ატარებს. საზოგადოების თავმჯდომარეები სხვადასხვა დროს იყვნენ ექვთიმე თაყაიშვილი და ივანე ჯავახიშვილი. საქართველოს საისტორიო და საეთნოგრაფიო საზოგადოების მუშაობა ახალი ძალითა და მასშტაბით განახლდა 1959 წელს ისტორიის, არქეოლოგიის, ეთნოგრაფიისა და ფოლკლორის სამეცნიერო საზოგადოების, ხოლო 1976 წლიდან საქართველოს საისტორიო საზოგადოების სახელით.

საქართველოს საისტორიო საზოგადოება აერთიანებს საისტორიო მეცნიერებით დაინტერესებულ პირებს, ეწევა საისტორიო მეცნიერებათა მიღწევებისა და ცოდნის პოპულარიზაციას, ხელს უწყობს უწყებათა სამეცნიერო მუშაობის კოორდინაციას, მატერიალური კულტურის ისტორიის ძეგლების შეგროვებას, დაცვასა და შესწავლას“, - ნათქვამია ინფორმაციაში.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით